Yevropa xavotirda: Tramp va Zelenskiy uchrashuvi nima bilan tugaydi?

Yevropa AQSH prezidenti hamda Ukraina yetakchisi o‘rtasidagi muloqot kutilmagan burilishlarga sabab bo‘lishidan xavotirga tushmoqda.

CNN telekanalining NATOdagi ishonchli manbalariga tayanib xabar berishicha, rasmiy Bryussel Vashington va Kiyev o‘rtasidagi amaldagi hamkorlik sur’atini ijobiy baholaydi. Biroq Donald Tramp ishtirokidagi har qanday muzokaralarning yakunini oldindan taxmin qilib bo‘lmasligi yevropalik siyosatchilarni jiddiy o‘ylantirib qo‘ygan.

Yevropa tomoni ushbu uchrashuvdan ijobiy yangiliklar kutayotgan bo‘lsa-da, Trampning kutilmagan qarorlari hozirgi siyosiy munosabatlar muvozanatini o‘zgartirib yuborishi mumkinligini tan olmoqda.