Yangi yil tongida Toshkent ko'chalari huvillab qoldi

Poytaxt aholisidan biri 1 yanvar tongida Toshkent ko'chalarini tasvirga olib, shahar odatdagidan ham sokin ko'rinishga kirganini qayd etdi. Bu haqda upl.uz xabar beradi.

Video muallifining aytishicha, ertalab shaharda deyarli hech kim ko'rinmagan. U buni yiliga bir marta uchraydigan holat sifatida baholadi.

Ma'lumki, 31 dekabr kuni ko'pchilik Yangi yilni nishonlab, tun bo'yi uyg'oq qoladi. Shu sabab 1 yanvar dam olish kunidan foydalanib, odamlar uyda hordiq chiqarib, uyquni qondiradi.