Neft, gaz, ko'mir va turli foydali qazilmalar ko'plab mamlakatlar uchun asosiy daromad manbai bo'lib qolmoqda. Biroq bunday iqtisodiyotlar jahon bozoridagi xomashyo narxlari tebranishiga juda sezgir: byudjet tushumlari, ish o'rinlari va valyuta kirimlari ko'p jihatdan shu omilga bog'lanib qoladi. Bu haqda podrobno.uz xabar beradi.
So'nggi ma'lumotlarga ko'ra, resurslarga qaramlik bo'yicha eng yuqori ko'rsatkich Liviya hissasiga to'g'ri keladi — YAIMning 61 foizi aynan resurslar hisobidan shakllanadi. Iroq, Kongo Demokratik Respublikasi va Kongo kabi mamlakatlarda esa YAIMning 33 foizidan ortig'i tabiiy resurslar ulushiga to'g'ri keladi.
Resurslarning katta qismi Yaqin Sharq va Afrika hududlarida jamlangan. Neft va gaz zaxiralari bilan ajralib turadigan davlatlar qatoriga Eron, Angola, Ummon, Qatar hamda Saudiya Arabistoni kiradi. Foydali qazilmalar zaxirasi yuqori bo'lgan va neft eksport qiladigan mamlakatlar sifatida Zambiya, Mongoliya, Ekvatorial Gvineya va Chad tilga olinadi.
Taqqoslash uchun, O'zbekiston iqtisodiyotida eng katta ulush xizmatlar sohasiga to'g'ri keladi: savdo, transport, aloqa, turizm va boshqa yo'nalishlar YAIMning taxminan 45–50 foizini tashkil etadi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
