Oq uy: Eronda 800 kishi hayoti saqlab qolindi

AQSH prezidenti Donald Tramp Eron bilan bog‘liq har qanday ssenariyni ochiq qoldirishda davom etmoqda.

Bu haqda Oq uy matbuot kotibi Kerolin Levitt matbuot anjumanida ma’lum qildi.

Uning so‘zlariga ko‘ra, “Prezident Erondagi vaziyatni diqqat bilan kuzatib borishda davom etmoqda, ammo barcha ehtimoliy variantlarni ham ko‘rib chiqishda davom etadi. Haqiqat shundaki, faqat prezident Tramp nima qilishini bilmoqda va juda kichik maslahatchilar guruhi uning fikri bilan tanish”, — deb aytdi u Vashingtonning Tehronga qarshi harbiy choralar qo‘llashi mumkinligi haqidagi savolga javoban.

Levittning ta’kidlashicha, Tramp Erondagi vaziyatni doimiy nazoratda ushlab turibdi. “Va kecha biz qotilliklar va qatllar to‘xtaganini bildik. Shuning natijasida taxminan 800 kishining hayoti saqlab qolindi”, — dedi Oq uy matbuot kotibi.

Charos Zarqarayeva

«ZAMIN.UZ» muharriri