Rossiya Fanlar akademiyasi prezidenti o‘rinbosari Gennadiy Onishenko Nipah virusi haqida fikr bildirib, uni “xavfli, biroq pandemik emas” deb baholadi. U matbuot uchrashuvida Nipah virusiga qarshi vaksina ishlab chiqish “muammo emas” deb o‘ylashini aytib, vaziyatni keskinlashtirib ko‘rsatmaslikka chaqirdi.
Onishenkoning so‘zlariga ko‘ra, 1998–1999 yillarda, asosan Janubi-Sharqiy Osiyoda, 300 ga yaqin zararlanish holati qayd etilgan. U o‘sha davrdagi o‘lim darajasi 70 foizni tashkil etganini eslatib, ayrim avj olgan holatlarda bemorlar vafot etganini ta’kidladi.
Shu bilan birga, u hozirgacha virusni samarali davolashning aniq usuli, tasdiqlangan davolash sxemasi yoki to‘liq shakllangan dori vositalari mavjud emasligini qayd etdi. Onishenko tibbiyot xodimlarida infeksiyaning global tarqalishiga oid mukammal ma’lumotlar yo‘qligini, biroq vaziyat nazorat ostida ekani, kuzatuv olib borilayotgani va vahimaga o‘rin yo‘qligini bildirdi.
“Zamin”ni Telegramʻda oʻqing!
