Pentagon Eronga qarshi "qat’iy yakuniy zarba" berishga tayyorlanmoqda. Bu haqida Axios xabar berdi. Manbalarga ko‘ra, to‘rtta variant ko‘rib chiqilmoqda:
1. Eron neft eksportining asosiy markazi bo‘lgan Xarg oroliga bostirib kirish yoki uni blokirovka qilish;
2. Tehronga Hormuz bo‘g‘ozi ustidan nazoratni mustahkamlashga yordam beradigan Larak oroliga bostirib kirish. Unda bunkerlar, hujum kemalari va bo‘g‘ozdagi harakatni kuzatuvchi radarlar joylashgan;
3. Eron tomonidan nazorat qilinadigan, ammo BAA tomonidan ham da’vo qilinadigan strategik Abu Musa orolini va bo‘g‘ozning g‘arbiy kirish qismi yaqinida joylashgan ikkita kichik orolni egallab olish;
4. Hormuz bo‘g‘ozining sharqiy tomonidan Eron neftini eksport qiluvchi kemalarni blokirovka qilish yoki egallab olish.
Pentagon shuningdek, Eronda yuqori darajada boyitilgan uranni o‘z ichiga olgan obyektlarni egallab olish uchun yer usti operatsiyalari rejalarini ishlab chiqdi.
“Zamin”ni Telegramʻda oʻqing!
