Britaniyaning nufuzli The Telegraph nashri xabar berishicha, Rossiya byudjetiga neft va gaz savdosidan tushayotgan daromadlar keskin oshishi kutilmoqda. Hisob-kitoblarga ko‘ra, joriy oyda ushbu tushumlar 12 milliard dollardan qariyb 24 milliard dollargacha yetib, deyarli ikki baravar ko‘payadi.
Tahlilchilarga ko‘ra, bunday o‘sish bir necha omillar bilan izohlanadi. Avvalo, global bozorda energiya resurslari narxining keskin ko‘tarilgani muhim rol o‘ynamoqda. Bundan tashqari, AQSh tomonidan joriy etilgan ayrim sanksiyalarga berilgan imtiyozlar ham Rossiya eksportiga ma’lum darajada qulaylik yaratgan.
Manbada qayd etilishicha, Eron atrofidagi harbiy keskinlik va urush xavfi fonida energiya bozorida talab ortib, narxlar yuqorilamoqda. Natijada, Vladimir Putin boshqaruvidagi Kreml har kuni o‘rtacha 760 million dollar miqdorida daromad olayotgani ta’kidlanmoqda.
Shu tariqa, geosiyosiy ziddiyatlar va energiya bozori o‘zgarishlari ayrim davlatlar uchun jiddiy yo‘qotishlarga sabab bo‘layotgan bir paytda, boshqalar uchun esa katta moliyaviy imkoniyatlar yaratmoqda.
“Zamin”ni Telegramʻda oʻqing!
