Britaniyaning mashhur The Guardian gazetasi AQSH prezidenti Donald Tramp tomonidan Eron uchun ilgari surilgan 15 banddan iborat “tinchlik rejasi”ni kinoyali tarzda tanqid qildi.
Nashr sahifalarida e’lon qilingan karikaturada mazkur reja mazmuni istehzoli shaklda aks ettirilgan. Unda bandlarning aksariyati “Menga neft ber” degan talab bilan ifodalangan bo‘lsa, qolgan qismida esa “Meni sevishingni ayt”, “Menga muhtojligingni bildir” kabi shartlar keltirilgan.
Kuzatuvchilarning ta’kidlashicha, bu kabi tasviriy tanqid aslida siyosiy tashabbusning mohiyatiga shubha bilan qaralayotganini anglatadi. Karikatura orqali mualliflar Trampning tashqi siyosatdagi yondashuvini haddan tashqari soddalashtirilgan va bir tomonlama manfaatlarga yo‘naltirilgan sifatida ko‘rsatishga uringan.
Tahlilchilar fikricha, bunday keskin kinoya G‘arb matbuotida siyosiy qarorlar va tashabbuslarga nisbatan tanqidiy munosabat kuchayib borayotganidan dalolat beradi. Shu tariqa, mazkur karikatura nafaqat kulgili tasvir, balki jiddiy siyosiy ishora sifatida ham baholanmoqda.
