AQShning Bayrut shahridagi diplomatik vakolatxonasi Livandagi hozirgi xavfsizlik holati boʻyicha yangi ogohlantirish eʼlon qildi.
Maʼlum qilinishicha, mamlakatdagi xavfsizlik muhiti beqaror boʻlib, vaziyat tez surʼatda oʻzgarib ketishi mumkin.
Elchixona AQSH fuqarolarini imkoniyat boʻlganicha mavjud tijorat reyslaridan foydalanib, Livan hududini tark etishga chaqirdi.
Shuningdek, mamlakatda qolishni afzal koʻrganlardan favqulodda holatlar uchun oldindan tayyorgarlik koʻrish va rasmiy yangiliklarni doimiy kuzatib borish soʻralgan.
Vakolatxona maʼlumotiga koʻra, harbiy harakatlar boʻlib oʻtgan hududlarda portlamay qolgan oʻq-dorilar xavfi hali ham saqlanib qolmoqda. Shu sababli vayron boʻlgan binolarga yaqinlashmaslik va shubhali buyumlarga tegmaslik tavsiya etilgan.
“Zamin”ni Telegramʻda oʻqing!
