Liviya sohillarida dengizdagi qayiqlarda qolgan yuzlab migrantlar saqlab qolindi
Liviya sohillari yaqinida murakkab vaziyatda qolgan 10 ta qayiqdan kamida 404 nafar migrant qutqarib olindi. Mamlakat milliy armiyasining sohil qo‘riqlash xizmati tomonidan amalga oshirilgan ushbu amaliyotdan so‘ng, jabrlanganlarga Qizil Yarim oy jamiyati ko‘ngillilari zaruriy tibbiy va ijtimoiy yordam ko‘rsatishdi. Hozirda Liviya Afrikadan Yevropaga intilayotgan muhojirlar uchun eng asosiy tranzit hududlardan biri bo‘lib qolmoqda.
Liviya sohillarida dengizda xavfli vaziyatga tushib qolgan yuzlab migrantlar qutqarildi. Bu haqda Reuters agentligi xabar berdi.
Maʼlum qilinishicha, mamlakat milliy armiyasining sohil qoʻriqlash xizmati dengizda murakkab sharoitda qolgan 10 ta qayiqdan kamida 404 nafar migrantni xavfsiz joyga olib chiqqan.
Tobruk shahridagi Qizil Yarim oy jamiyati koʻngillilari qutqarilgan turli millat vakillariga birinchi tibbiy yordam koʻrsatib, issiq kiyim va oziq-ovqat bilan taʼminlagan.
Liviya hozirda Afrikadan Yevropaga oʻtishga uringan migrantlar uchun asosiy tranzit hududlardan biri boʻlib qolmoqda. Avvalroq ushbu mintaqa yaqinida qayiq agʻdarilishi oqibatida qurbonlar va bedarak yoʻqolganlar haqida ham xabar berilgan edi.
Izohlar 0
…