AQSH Hind okeanida uchta Eron neft kemasini qoʻlga oldi
AQSH harbiy kuchlari Hind okeanida Eronning xom neft bilan yuklangan uchta yirik tankerini to‘xtatib, nazorat ostiga oldi. Mazkur operatsiyaga javoban Eron tomoni ham Hormuz bo‘g‘ozida ikkita konteyner kemasini qo‘lga olganini ma’lum qildi. Mutaxassislar ushbu strategik hududlardagi keskinlik xalqaro energiya bozoriga va neft yetkazib berish zanjiriga jiddiy ta’sir ko‘rsatishi mumkinligidan xavotirda.
Qoʻshma Shtatlar Osiyo mintaqasidagi dengiz hududlarida Eron bayrogʻi ostida harakatlanayotgan uchta yirik neft tankerini toʻxtatgani haqida xabar berildi.
Maʼlumotlarga koʻra, Hindiston, Malayziya va Shri-Lanka qirgʻoqlari yaqinida aniqlangan ushbu kemalar AQSH harbiy kuchlari tomonidan yoʻnaltirilib, nazorat ostiga olingan.
CENTCOM bayonotiga koʻra, “Dorena” nomli tanker blokadani buzishga uringan va Hind okeanida harbiy esmines kuzatuvida saqlanmoqda. Qolgan kemalar — “Deep Sea” va “Sevin” — ham xom neft bilan toʻliq yuklangan holda ushlab qolingan.
Shu bilan bir vaqtda Eron tomoni ham Hoʻrmuz boʻgʻozida oʻz harakatlarini kuchaytirib, ikkita konteyner kemasini qoʻlga olganini bildirgan.
Mutaxassislar fikricha, dunyo neft va gaz oqimining katta qismi oʻtadigan ushbu strategik hududdagi keskinlik xalqaro energiya bozoriga jiddiy taʼsir koʻrsatishi mumkin.
Izohlar 0
…