Rossiya poytaxti Moskvada 9 may — "G‘alaba kuni" munosabati bilan o‘tkaziladigan an’anaviy harbiy parad bu yil odatdagidan ixchamroq formatda tashkil etiladi. Bu haqda Kreml matbuot kotibi Dmitriy Peskov ma’lum qildi.
Uning so‘zlariga ko‘ra, parad dasturining qisqartirilishi “mavjud operatsion vaziyat” va xavfsizlik choralarini kuchaytirish zarurati bilan bog‘liq. Rasmiylar bu qarorni Ukrainaning ehtimoliy tahdidlari bilan izohladi.
Ta’kidlanishicha, bu yilgi tadbirda harbiy texnika namoyishi hamda kursantlar ishtiroki bekor qilinadi. “Xavfni kamaytirish uchun barcha zarur choralarni ko‘ryapmiz. Shu bois parad yanada soddalashtirilgan ko‘rinishda o‘tkaziladi”, — dedi Peskov.
Shunga qaramay, an’anaga ko‘ra, tadbir Moskvaning markazidagi Qizil maydonda bo‘lib o‘tadi. Rasmiylar "G‘alaba kuni" tantanalari to‘liq bekor qilinmasligini, ammo xavfsizlik ustuvor vazifa ekanini alohida urg‘ulamoqda.
Kuzatuvchilar fikricha, bu yilgi o‘zgarishlar mintaqadagi keskin vaziyat fonida xavfsizlik choralarining kuchayganidan darak beradi.
“Zamin”ni Telegramʻda oʻqing!
