AQSH prezidenti Donald Tramp Hoʻrmuz boʻgʻozini “Tramp boʻgʻozi” deb nomlash gʻoyasini ilgari surdi.
U bu haqda Truth Social ijtimoiy tarmogʻida yozib, avvalroq Mayamida oʻtkazilgan investitsiya forumida ham bu fikrni hazil tarzida bildirgan edi. Keyinchalik “New York Post” nashrida ushbu tashabbus maʼmuriyat doirasida muhokama qilinayotgani haqida xabarlar paydo boʻldi.
Maʼlum qilinishicha, Tramp avval ham geografik va tarixiy obyektlar nomini oʻzgartirish boʻyicha tashabbuslar bilan chiqqan. Xususan, u ayrim hududlar nomini oʻzgartirishga oid qarorlar qabul qilgani bilan maʼlum.
Maʼlumot uchun, Hoʻrmuz boʻgʻozi dunyodagi eng muhim neft tashish yoʻllaridan biri hisoblanadi. Soʻnggi yillarda mazkur hudud atrofida geosiyosiy keskinliklar bir necha bor kuzatilgan.
“Zamin”ni Telegramʻda oʻqing!
