Suriya prezidenti aka-ukalarini lavozimdan chetlatdi
Suriya prezidenti Ahmad ash-Shar'a oila a'zolarini muhim davlat lavozimlaridan chetlatish to'g'risida qaror qabul qildi. Ushbu o'zgarishlar natijasida uning akasi Mahir ash-Shar'a prezident ma'muriyatidagi yuqori lavozimidan ozod etildi va ukasi Hozim iqtisodiy sohadagi rahbarlik vazifasini tark etdi. Shuningdek, yana bir akasining tadbirkorlik faoliyati oilaviy nomdan shaxsiy manfaat yo'lida foydalanish bo'yicha bildirilgan ayblovlar sababli avvalroq to'xtatilgan edi.
Suriya prezidenti Ahmad ash-Shar’a oila a’zolarini muhim davlat lavozimlaridan chetlatish bo‘yicha qaror qabul qildi.
Ma’lum qilinishicha, bu qadam qarindosh-urug‘chilikka oid tanqidlarga barham berish va boshqaruv uslubini avvalgi Asad oilasi modelidan uzoqlashtirish maqsadida amalga oshirilgan.
Prezidentning akasi Mahir ash-Shar’a prezident ma’muriyatidagi yuqori lavozimidan ozod etilgan.
Uning o‘rniga boshqa amaldor tayinlangani aytilmoqda.
Shuningdek, ukasi Hozim ham iqtisodiy sohadagi rahbarlik vazifasini tark etgan.
Yana bir akasiga tegishli tadbirkorlik faoliyati esa bundan avval to‘xtatilgan edi.
Ma’lumotlarga ko‘ra, unga oilaviy nomdan shaxsiy manfaat yo‘lida foydalanish bo‘yicha ayblovlar bildirilgan.
Kuzatuvchilar fikricha, mazkur qarorlar yangi rahbariyatning davlat boshqaruvida shaffoflikni kuchaytirishga qaratilganini ko‘rsatmoqda.
Izohlar 0
…