NASAning Artemis II missiyasi Oy haqidagi qarashlarga yangi savollarni o‘rtaga tashladi. Olimlar orasidagi asosiy bahs esa Oyning asl rangi qanday ekani bilan bog‘liq bo‘lmoqda. Bu haqda Space.com xabar berdi.
Missiya davomida Oyning ko‘rinmaydigan orqa qismi kuzatilgan. Yerga qaytgan astronavtlar Oy oddiy kulrang jism emasligini, balki unda jigarrang va yashil tuslar ham mavjudligini aytgan.
Ayniqsa, Aristarchus Plateau hududida kuzatilgan yashil minerallar olimlarda katta qiziqish uyg‘otgan. Mutaxassislar bu moddalar Oy ichki qatlamlaridagi magma kimyosi haqida muhim ma’lumot berishi mumkinligini ta’kidlamoqda.
Olimlar fikricha, astronavtlarning og‘zaki kuzatuvlari robotlar yuborgan suratlardan ham qimmatliroq. Chunki inson ko‘zi Oy yuzasidagi rang va yorqinlik farqlarini aniqroq ajrata oladi.
NASA mutaxassislari bu “rangli” kuzatuvlar Oyning geologik tarixi haqidagi hozirgi tasavvurlarni o‘zgartirishi mumkinligini aytmoqda.
“Zamin”ni Telegramʻda oʻqing!
