Tomsk aholisi yong‘in tufayli 7 qavatdan sakragan bolani qutqarib qoldi (Video)

Rossiyaning Tomsk shahar aholisi yonayotgan 7 qavat balkonidan sakragan 9 yoshli bolani qutqardi, deb xabar berdi Darakchi nashri.

Voqeaga guvoh bo‘lganlar bolani qutqarish uchun reklama banneridan foydalanishdi.

“Hodisa guvohlari 7 qavat balkonida turgan bolani ko‘rgandan keyin reklama bannerini yirtib olib, uni pastda tutib turgancha, bolani sakrashga undashdi. 7 qavatdan sakragan bola kasalxonaga yotqizildi”, deb xabar berdi hududiy FVV vakili.

Yong‘in Tomsk shahridagi Irkutsk ko‘chasida yuz berib, ko‘p qavatli uyning 7 qavatidagi kvartira yongan. Etib kelgan o‘t o‘chiruvchilar yong‘inni 14 daqiqada o‘chirganiga qaramay, olov xona shipi va devorlarini egallab ulgurgan.
“Zamin”ni Telegramʻda oʻqing!