Qozog‘istonlik ayol eriga ikkinchi xotin (to‘qol) qidirmoqda…

Olmaotadagi istirohat bog‘laridan birida qo‘lida plakat tutgan ayol paydo bo‘ldi. Plakatga «Erimga ikkinchi xotin (to‘qol) izlayapman! Ayol 25-35 yosh atrofida bo‘lishi lozim» degan yozuvlar bitilgandi. U o‘zini Zarina deya tanishtirdi. 28 da ekan. Eri bilan Olmaota shahrida yasharkan. Farzand ko‘rishni xohlamaskan. Bunga birdan-bir sabab «figura»si, ya’ni, qomati buzilishini istamaskan. Istirohat bog‘idagilarning ba’zilari ayolga nafrat bilan boqdi, ba’zilar ochiqchasiga ustidan kuldi. Ayol pinagini buzmadi.

So‘raganlarga shunday javob qildi:
— Men farzand tug‘ishni xohlamayman. Qomatim buziladi. Qaysi qiz to‘qol xotin bo‘lib erimga tegsa, hech narsadan kami bo‘lmaydi. Biz unga alohida kvartira ham hadya qilamiz…
Qarangki, keyinroq sir ochildi. Zarina deya o‘zini tanishtirgan ayol aslida mahalliy telekanalardan birining muxbiri bo‘lib, ayollar masalasida yangi ko‘rsatuv tayyorlayotgan ekan. Shuning uchun ham bu sahnani o‘ylab topibdi.

Manba: Hordiq.uz “Zamin” yangiliklarini “Odnoklassniki”da kuzatib boring