Dahshatning o’zginasi! Yolg’iz onaning xushtori uning o’g’lini o’ldirib, so’ng ayolni bola jasadini javonga yashirishga ko’ndirdi

Arkanzasda istiqomat qiluvchi Mariya Jiron va uning yigiti Tayler Xobbs uylaridan bir yoshli bola jasadi qoldiqlari topilgach, qamoqqa olindilar.

Tayler bir necha kun avval qutqarish xizmatiga qo’ng’iroq qilib, bola zinadan yiqilib tushgani va nima qilishni bilmay qolgani haqida aytgan.

Bola jasadi solingan shaffof idish javon ostiga yashirilgan. Xabarda keltirilishicha, jasad topilganda parchalangan holatda bo’lgan.

Mariya va Tayler politsiya mahkamasida turlicha bahonalar o’ylab topishgan. Taylerning aytishicha, bola tinmay yig’laganiga uning asablari dosh bermagan va uni bir necha bor silkitib, og’zini qattiq yopgan. Bola esa chinqirishda davom etgan. Bolakay tinchib qolganda Tayler uning o’lib qolganini payqagan.
“Zamin” yangiliklarini “Twitter”da kuzatib boring