Mashhurlarning g‘aroyib nikoh shartnomalari: “Agar xiyonat qilsang, 500 ming dollar to‘laysan!..”

Ba’zi mashhurlarning nikoh shartnomalari boshqalarinikidan shunisi bilan ajralib turadiki, unga g‘ayrioddiy bandlar kiritilgan bo‘ladi. Jumladan, quyidagi juftliklarning nikoh shartnomalari ham o‘ziga xosligi bilan ajralib turadi.
Jessika Bil va Jastin Timberleyk

Jessika Bil Jastin uchun alohida xiyonat bandi tayyorlagan. Agar Jastin boshqa biror ayolga ilakishib qolgudek bo‘lsa, unda Jessika 500 ming dollar oladi. Yulduzlarning umumiy boyligi 248 million dollar.
Nikol Kidman va Kit Urban

Nikol bilan Kitning nikoh shartnomasi narkotik va spirtli ichimliklarga bog‘liq. Kit yil davomida spirtli ichimliklardan uzoq yursa, har yil uchun 600 ming dollar oladi. Ammo Nikol eriga muhim ziyofatlarda, shundayam faqat shampan vinosigagina ruxsat bergan. Juftlik 2006 yilning iyun oyida turmush qurishgan. Ularning umumiy boyligi 205 million dollarni tashkil etadi.
Jey Zi va Beyonce

Qo‘shiqchi har bir farzand uchun 5 million dollar daromad qiladi. Ularning shartnomasida yana shunday bir band borki, agar juftlik 15 yil tinch-totuv yashashsa, Beyonce 15 million dollar ishlab oladi.
“Forbes”ning hisob-kitoblariga ko‘ra, Beyonce va Jey Zi dunyoning eng badavlat san’atkorlari. Ularning umumiy mablag‘i – 1,16 milliard dollar.
Maykl Duglas va Ketrin Zeta-Jons

Maykl Duglas va Ketrin Zeta-Jonsning nikoh shartnomasida yanayam g‘ayri-real mablag‘ bor. Yulduzlarning 2000 yilda imzolagan nikoh shartnomalariga asosan, Ketrin Maykl bilan yashagan har yili uchun 2,8 million dollar daromad qiladi. Agar gollivud afsonalaridan biri bo‘lmish Duglas xotiniga xiyonat qilgudek bo‘lsa, 5 million dollar tovon to‘laydi.

Manba: Hordiq.uz “Zamin” yangiliklarini “Odnoklassniki”da kuzatib boring