Kuchli shamol 65 mingdan ziyod kanadalikni elektr tokisiz qoldirdi

Kanada g’arbida yuzaga kelgan ob-havo sharoiti sabab 65 mingdan ortiq aholi vakillari elektr tokisiz qoldi.

Xabarda aytilishicha, kuchli shamol elektr uzatish liniyalariga zarar yetkazgan va buning natijasida Britaniya Kolumbiyasi, shuningdek Vankuver orollari aholisi ziyon ko’rgan. Ayni paytda sim uzilgan joylarda brigadalar ish olib bormoqda.

Mamlakat milliy meteobyurosi shamol tezligi sekundiga 22 metrgacha yetayotgani haqida ma’lum qilgan.