Dog‘istonning Kizlyar shahrida mahalliy fuqarolardan biri pravoslav nasroniylarning Maslenitsa bayramini nishonlayotgan odamlarga qarata o‘q uzgan. Bu haqida RIA Novosti Dog‘istondagi huquqni muhofaza qiluvchi organlardagi manbasiga tayanib bergan xabariga asoslanib Kun nashri ma’lum qilmoqda.
«Dastlabki ma’lumotlarga ko‘ra, to‘rt inson vafot etgan, yana to‘rt nafari jabrlangan», — degan agentlik hamsuhbati. Lekin Dog‘iston sog‘liqni saqlash vazirligi jabrlanganlar besh nafar bo‘lgani haqida xabar tarqatgan. Ularni Kizlyar shahridagi markaziy shifoxonaga keltirishgan. Vafot etgan to‘rt nafar qurbonlarning barchasi ayollardir. Keyinroq, yarador bo‘lganlardan biri shifoxonada hayotdan ko‘z yumgan.
Kuch ishlatar tizim xodimlari hujum qilgan shaxsni yo‘q qilishgan. U 1995 yilda tug‘ilgan mahalliy fuqarolardan biri bo‘lib chiqdi.
Manbaning so‘zlariga ko‘ra, qurbonlarning barchasi hujum uyushtirilgan vaqtda cherkovdan qaytishayotgan bo‘lishgan. Qotil avval hech qachon politsiyaning nigohiga tushmagan va radikal qoimlarga aloqador bo‘lmaganligi ham ma’lum.
«Soat 16:30 larda noma’lum erkak ov miltig‘idan fuqarolarga qarata o‘t ochgan», — degan RIA Novostiga mintaqaviy IIV vakili. Uning so‘zlariga ko‘ra, jabrlanganlar orasida ikki nafar politsiya xodimi ham bor.
Voqea joyida tergovchi va surishtiruvchilar ishlashmoqda, «Qotillik» va «Huquqni muhofaza qiluvchi organlar xodimlari hayotiga qasd qilish» moddalari bo‘yicha jinoyat ishi qo‘zg‘atilgan.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi