Shotlandiyalik 55 yoshli ayol go‘zallik tanlovida 24 yashar qizi bilan raqobatlashdi

Lori Meysak haqiqatan hozirgi kunda 55 yoshni qarshilagan. U to‘rt qizning suyukli onasi, ikki nabiraning mehribon buvijoni. Ammo tashqi ko‘rinishi uncha-muncha 20 yashar qizlarning havasini keltiradi.

U qizi Emiga 19 yoshidan mamlakat miqyosidagi go‘zallik tanlovida ishtirok etishi uchun har qanday kerakli yordamni berib kelgan. Yaqinda Emi oyisiga qarab turib, navbatdagi tanlovda birga qatnashib ko‘rishni taklif qildi. O‘ylay-o‘ylay, Lori rozilik bildirdi. Emi uni sahnada o‘zini qanday tutishdan tortib, hakamlar bilan qay tartibda muloqot qilishgacha o‘rgatdi. Shunday qilib ona-bola bir tanlovda ishtirok etishdi. Xo‘sh, natija-chi? Lorining tashqi ko‘rinishi o‘zini oqladi. U “vitse-miss Galaktika”, qizi esa “Miss Grand International Scotland” titullarini qo‘lga kiritishdi.

— Bu tanlov o‘zimga bo‘lgan ishonchimni yanada oshirdi, — dedi Lori jurnalistlarga. — Yangi do‘stlar orttirdim. Hozir o‘zimni 55 emas, balki 21 yosh qizlar kabi tasavvur etyapman…

Ajablanarlisi, Lori to‘rt qizi bilan ko‘chaga chiqsa, tanimaganlar ularni opa-singil bo‘lsa kerak deb o‘ylarkan.

Manba: Hordiq.uz “Zamin”ni Telegramʻda oʻqing!