Fojia Amerikaning Tennessi shtatiga qarashli Suituoter shaharchasida sodir bo‘lgan. Ma’lumotlarga ko‘ra, Anita Gibson ismli ayol qo‘shninikida o‘t o‘rayotgandi. Nevaralari uning qaramog‘ida qolgani sababli vaqtincha qarab turish uchun 15 yoshli nevarasiga ukalarini ishonib topshirgandi.
Bir mahal uyiga qaytsa, nevaralar yo‘q. Darvoza lang ochiq. Jonholatda hovli chetidagi «Honda Accord» avtomobili tomon chopdi. Ne ko‘z bilan ko‘rsinki, 3 yashar kenja o‘g‘il nevarasi mashina ichiga qamalib qolgan, allaqachon issiq eltib hushini yo‘qotgan ekan.
Ayol nevarasini hushiga keltirishga urindi. Ammo uddasidan chiqa olmadi. Darrov «Tez yordam»ga qo‘ng‘iroq qildi. Baxtga qarshi vrachlar bolaning hayotini saqlab qola olishmadi. U issiqdan bo‘g‘ilib bo‘lgan ekan.
Mutaxassislarning ma’lumotiga ko‘ra, o‘sha kuni shtatda havo harorati +30 darajagacha ko‘tarilgan.
Hozircha ushbu fakt yuzasidan jinoiy ish qo‘zg‘atilmadi. Tergovchilar, politsiya xodimlari qo‘shnilarni so‘roq qilishmoqda.
Hisob-kitoblar ko‘rsatdiki, shuning bilan Amerikada 2018 yil avvalidan to shu kunga qadar 23 nafar bola avtomobilga qamalib, issiqdan bo‘g‘ilish oqibatida jon taslim qilibdi. Oxirgi marta jurnalistlar Texas shtatida 9 oylik qiz chaqaloq avtomobil salonida qolib ketish natijasida issiqqa bardosh bera olmay vafot etgani haqida yozishgandi.
Manba: Hordiq.uz
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Lukashenko G‘arbga tahdid bilan chiqdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Mariya Zaxarova ukrainaliklarni Amerika hindulariga o‘xshatdi
Uchar avtomobil yo‘lovchi bilan birinchi parvozini amalga oshirdi (video)