Erkak “men shaytonman“ deb baqirib 4 kishini pichoqladi

Turkiya poytaxti Anqara shahrida bir erkak “men shaytonman“ deb baqirib avtobus bekatidagi 4 kishini pichoqladi, ikki kishi voqea joyida halok boʻldi deb xabar bermoqda Sof.uz nashri.

Voqea 7 sentyabr juma kuni Anqara shahrining Yetmishgut tumanida sodir boʻlgan. Erkak qurbonlariga hujum qilmasdan avval “siz musulmonmisiz?“ deb savol bergan. Ha javobini olgach “men shaytonman“ deb hujumga oʻtgan.

Yaralangan 2 kishi shifoxonaga yotqizilgan, ularning ahvoli ogʻirligicha qolmoqda.

Xabarga koʻra, insonlarga hujum qilgan shaxs politsiya tomonidan qoʻlga olingan. “Zamin”ni Telegramʻda oʻqing!