Yaponchada “gapiradigan” it internet ahlini lol qoldirdi (video)

Twitter ijtimoiy tarmogʻida oʻz itini gapirishga oʻrgatayotgan qiz videosi joylashtirildi.

Videoda siba-inu zotidagi Beni laqabli itning egasi unga ikkita yaponcha soʻz: taberu (“ovqat yeyish”) va hanbagu (“gamburger”) soʻzlarini aytishga oʻrgatayotgani tasvirlangan. Baʼzida Beni dangasalik qilib shunchaki akillayotganini, biroq ora-orada yuqoridagi soʻzlarni ancha aniq takrorlayotganini eshitish mumkin. Video soʻngida Benining egasi uni “soʻzamolligi” uchun yegulik bilan taqdirlaydi.

紅が喋る「食べる」が「ハンバーグ」「アイラブユー」等に聞こえるという意見もあり、ならば「食べる」「ハンバーグ」を分けて喋れるようにしよう！と思ってやってみました????
私はできてると自己満足です☺️☺️ pic.twitter.com/cnPQY552I0

— beni_shiba (@a_t_k123) September 1, 2018

Foydalanuvchilar aqlli itning bu qobiliyatidan hayrat bildirishgan. Koʻp jurnalistlar videoga izohlarida itdan intervyu olish uchun uning egasidan ular bilan bogʻlanishni soʻrashgan. Boshqalar esa oʻz uy hayvonlarini gapirishga oʻrgatishni boshlashganini maʼlum qilishgan.