PettiChat: uy hayvonlari tilini tushunishga yordam beruvchi yangi gadjet
PettiChat deb nomlangan sun'iy intellektga asoslangan yangi innovatsion qurilma hayvonlar tovushlarini inson tiliga o'girishga hamda ikki tomonlama muloqotni ta'minlashga mo'ljallangan. Ushbu gadjet Kickstarter platformasida muvaffaqiyat qozonib, 800 dan ortiq foydalanuvchini jalb qilgan holda 130 ming dollardan ziyod mablag' to'pladi. Og'irligi 27,2 gramm bo'lgan va bo'yinbog'ga o'rnatiladigan mazkur qurilmaning aniqlik darajasi 90 foizdan yuqori ekanligi ta'kidlanmoqda.
PettiChat — bu sunʼiy intellekt asosida ishlaydigan va hayvonlar tovushlarini inson tushunadigan maʼlumotga aylantirishga moʻljallangan innovatsion qurilma. Garchi loyiha kelajakda qanchalik samarali boʻlishi bahsli boʻlsa-da, u Kickstarter platformasida katta muvaffaqiyat qozonib, 800 dan ortiq foydalanuvchini jalb qildi va 130 ming dollardan ziyod mablagʻ toʻpladi. Bu haqda Ixbt.com xabar beradi.
Qurilma itlarning vovullashi yoki mushuklarning miyovlashini real vaqt rejimida tahlil qilib, ularning ehtiyojlarini aniqlashga yordam beradi. Tizim nafaqat hayvonlar tilini tarjima qiladi, balki inson nutqini ham hayvonlar tushunadigan tovushlarga aylantirib, ikki tomonlama muloqotni taʼminlaydi.
Ogʻirligi atigi 27,2 gramm boʻlgan ushbu gadjet IP56 suvga chidamlilik darajasiga ega va magnitli quvvatlash tizimi bilan jihozlangan. U osongina boʻyinbogʻga oʻrnatiladi va maxsus mobil ilova orqali boshqariladi. Ishlab chiquvchilar tizimning aniqlik darajasi 90 foizdan yuqori ekanligini taʼkidlamoqda.
Hozirgi vaqtda qurilmani 150 dollar evaziga oldindan buyurtma qilish mumkin. PettiChat uy hayvonlari bilan muloqotni yangi bosqichga olib chiqishni va ularning ehtiyojlarini taxminlarga tayanmasdan, aniq tushunish imkonini berishni vaʼda qilmoqda.
Izohlar 0
…