18:08 / 18.05.2019
4 563

Zelenskiy Ukraina Qrimni qaytarishi haqida ma’lum qildi

Zelenskiy Ukraina Qrimni qaytarishi haqida ma’lum qildi
Ukraina prezidenti etib saylangan Vladimir Zelenskiy mamlakat Qrimni qaytarib olishiga ishonch bildirdi.

U bu haqda feysbukda joylashtirilgan, Ukrainada bugun nishonlanayotgan Qrim-tatar xalqi genotsidi qurbonlarini xotirlash kuni munosabati bilan qilgan murojaatida aytib o‘tdi.

«Ishonamanki, Qrim tatarlarining vatanini okkupatsiyadan ozod qilamiz. Qrimni qaytarishga yo‘l qanchalik uzoq bo‘lmasin, biz uni qrim tatarlari bilan birga bosib o‘tamiz. Buni birgalikda amalga oshiramiz. Esdan chiqarmang, hatto eng qorong‘u tun ham tong bilan tugaydi», - deb yozgan Zelenskiy.

Avvalroq, Zelenskiy shtabi Qrimning Rossiyaga qo‘shilishi bo‘yicha referendum natijalari tan olinmasligi haqida e’lon qilgandi. Yangi saylangan prezident Qrim Rossiyada hokimiyat almashganidan keyin Ukraina tarkibiga qaytishi haqida gapirdi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Zelenskiy Ukraina Qrimni qaytarishi haqida ma’lum qildi