“Toyota Corolla” o‘rindig‘i ostiga berkitilgan og‘u fosh etildi

Bojxona xodimlari giyohvandlik moddalarini olib kirish bilan bog‘liq yana bir jinoyatga chek qo‘yishdi.

Surxondaryo viloyati bojxona boshqarmasi “Ayritom” chegara bojxona postiga qo‘shni davlatdan kirib kelgan fuqaro S.Sh boshqaruvidagi “Toyota Corolla” rusumli avtomashina belgilangan tartibda bojxona nazoratidan o‘tkazildi.

Tekshiruv jarayonida ushbu avtomashinaning orqa o‘rindig‘i ostiga yashirilgan sof og‘irligi 0,78 grammni tashkil etuvchi “opiy” giyohvandlik moddasi borligi fosh etildi.

Hozirda mazkur holat yuzasidan jinoyat ishi qo‘zg‘atilib, tekshiruv harakatlari olib borilmoqda. “Zamin”ni Telegramʻda oʻqing!