Qozogʻistonda internetdagi eng chiroyli qiz tanlanadi (foto)

^{Foto: TengriNews}
Qozogʻistonda Miss Virtual Kazakhstan — 2019 goʻzallik tanloviga arizalar qabul qilish boshlandi, deb xabar bermoqda Daryo.uz nashri.

Xabarda aytilishicha, ushbu tanlov Qozogʻistonda 3-marta oʻtkazilmoqda. Hozirda mamlakatning turli burchaklaridan boʻlgan mingdan ortiq qizlar ariza topshirgan.

Tanlovning birinchi bosqichida ishtirok etish uchun Instagramʻda surat joylab, ostiga #mvw_kz xeshtegini qoʻyishning oʻzi kifoya.

Arizalar qabul qilish 19-avgustga qadar davom etadi. Shundan soʻng butun mamlakatdagi har bir yirik shaharlarda intenet-ovoz berish orqali saralash bosqichi oʻtkaziladi.

Tanlovda istalgan qiz ishtirok etishi mumkin. Model qomati, boʻyi, oilaviy ahvoli boʻyicha hech qanday cheklovlar yoʻq. Gʻoliblarni hayʼat aʼzolari emas, internet foydalanuvchilari aniqlaydi. “Zamin”ni Telegramʻda oʻqing!