Saudiya Arabistonida ayollarga armiyada xizmat qilishga ruxsat berildi

Saudiya Arabistoni hukumati ilk bor ayollarga mamlakat qurolli kuchlarida xizmat qilishga ruxsat berdi, deb yozmoqda "Ash-sharq al-avsat" gazetasi.

Nashrning xabar berishicha, qirollik mudofaa vazirligi ayollarni harbiy xizmatga olishni boshladi. Ular oddiy askarlikdan ofitserlik lavozimigacha da’vogarlik qilishi mumkin.

General Hasan ash-Xashrining so‘zlariga ko‘ra, "ayollarning harbiy xizmatga qabul qilinishi to‘g‘ri yo‘nalishdagi qadam" bo‘lib, Saudiya armiyasida "ayollarga ish yetarlicha".