![Putinga rossiyaliklarning ishonch darajasi ikki yil ichida ikki barobarga kamaygan](/uploads/posts/2020-02/x1581536406_9hbtjcrjm2jlyfgg5xnopvyfatfxcwjz.jpg.pagespeed.ic.ZWTk955yEk.jpg)
Foto: AP
Rossiya prezidenti Vladimir Putinga rossiyaliklarning ishonch darajasi oxirgi 2 yil ichida deyarli 2 barobarga kamaydi. Ayni vaqtda Putinga 35 foiz rossiyaliklar ishonadi.
Bundan «Levada-sentr» nodavlat tadqiqotchilik tashkilotining yanvar oxirida o‘tkazgan so‘rovnomasi darak bermoqda.
So‘rovnomaga ko‘ra, Rossiya prezidentiga 35 foiz fuqarolar ishonadi. Bu 2019 yil sentabrdagi ko‘rsatkichlardan 4 foiz kamroqdir.
So‘rovnoma 23-29 yanvar kunlari Rossiyaning 50 ta hududida 1603 kishi orasida ochiq tarzda o‘tkazilgan, ya’ni ishtirokchilarga ular ishonadigan 5-6 nafar siyosatchi ismini aytish taklif qilingan.
2017 yil noyabrda fuqarolarning Putinga ishonch darajasi 59 foizni tashkil qilgan. Shu tariqa ikki yil ichida davlat rahbariga ishonch darajasi 24 foizga pasayib ketgan.
“Levada-sentr” direktori Lev Gudkovning ta’kidlashicha, bu sezilarli pasayishdir. U buni rossiyaliklarning prezident faoliyatidan charchagani va achchiqlanishi bilan tushuntirgan.
Shu bilan birga Putinning faoliyatini ma’qullash darajasi 60-70 foiz darajasida saqlanib turibdi. Gudkovning ta’kidlashicha, “bu prezidentning tashqi siyosatdagi faoliyati yuqori baholangan bir paytda, ichki siyosatdagisi tobora past baholanmoqda”.
Putinga ishonch darajasi pasayganiga qaramasdan, Rossiya hukumatidagi asosiy vazirlarning reytingi oxirgi 4 oy ichida yuqorilamoqda: mudofaa vaziri Sergey Shoyguga ishonch darajasi 13 foizdan 19 foizga, tashqi ishlar vaziri Sergey Lavrovga ishonch darajasi 14 foizdan 17 foizgacha o‘sgan. Biroq shu bilan birga ularga ham oxirgi 2 yil ichida rossiyaliklarning ishonch darajasi pasaygan. 2017 yil noyabrda Shoyguga 23 foiz, Lavrovga 19 foiz rossiyaliklar ishonch bildirgan.
Bundan tashqari, sobiq bosh vazir Dmitriy Medvedevga ishonch darajasi 9 foizdan 5 foizgacha pasaygan. Yangi bosh vazir Mixail Mishustinga ishonch darajasi hozircha 3 foizni tashkil qilmoqda. Muxolifatchi Aleksey Navalniyga 3 foiz, Putinning matbuot kotibi Dmitriy Peskovga 1 foizgina respondentlar ishonch bildirgan.
Yana 22 foiz so‘ralganlar siyosatchilardan birortasiga ishonmasligini, 17 foizi javob berishga qiynalishini aytgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![«Adashmaydigan prognozchi» AQSH prezidentligi saylovida kim yutishini aytdi расм](/uploads/posts/2024-07/x9a28c7f3e0_920__95_3136414761.webp.pagespeed.ic.7E_rMVyGaS.webp)
«Adashmaydigan prognozchi» AQSH prezidentligi saylovida kim yutishini aytdi
![Erdo‘g‘anning Isroilga tahdidi qanchalik jiddiy? расм](/uploads/posts/2024-07/xc218c4acb5_xzzvw6lf7hlo0t1crik-ral0nir9wbyi_medium.webp.pagespeed.ic.0AAxOELwGG.webp)
Erdo‘g‘anning Isroilga tahdidi qanchalik jiddiy?
![Parij-2024. Bugun ishtirok etadigan sportchilarimiz bilan tanishing расм](/uploads/posts/2024-07/x636c790f4d_483f5c4aec5c7a2c661f9e96c86a221d.webp.pagespeed.ic.ttKj8HDIRW.webp)
Parij-2024. Bugun ishtirok etadigan sportchilarimiz bilan tanishing
![Turkiya TIV: Netanyaxuning hayoti o‘z joniga qasd qilgan Gitlerniki kabi tugaydi расм](/uploads/posts/2024-07/xaa37fac0eb_photo_2024-07-29_13-00-02-nuz0dhgj.webp.pagespeed.ic.6o00GivtZV.webp)
Turkiya TIV: Netanyaxuning hayoti o‘z joniga qasd qilgan Gitlerniki kabi tugaydi
![«Hizbulloh» Isroilning 3 harbiy bazasiga hujum qilganini bildirdi расм](/uploads/posts/2024-07/x74bc1868a8_ucltw2uzkemnlvoa1ykpprn4xgd5rqmg.webp.pagespeed.ic.NkxlFgYb74.webp)
«Hizbulloh» Isroilning 3 harbiy bazasiga hujum qilganini bildirdi
![Shri-Lanka hukumati musulmonlardan uzr so‘radi расм](/uploads/posts/2024-07/xf110907f68_920__95_3554928668.webp.pagespeed.ic.drjStLlOyc.webp)
Shri-Lanka hukumati musulmonlardan uzr so‘radi
![Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi" расм](/uploads/posts/2024-07/x20a03a2364_797650_680.webp.pagespeed.ic.TvmYL4mUk2.webp)
Abbos Fayzullayev: "Olimpiadaga hech kim mag‘lubiyatga uchraymiz yoki guruhda qolib ketamiz degan maqsadda kelmaydi"
![Shahnoza Mirziyoyeva va Diyora Keldiyorova bir qancha loyihalarni birgalikda amalga oshirmoqchi расм](/uploads/posts/2024-07/x6cfe9b8a3a_photo_2024-07-30_23-51-57-govysi-v.webp.pagespeed.ic.A2e6Oc2fJF.webp)
Shahnoza Mirziyoyeva va Diyora Keldiyorova bir qancha loyihalarni birgalikda amalga oshirmoqchi