Foto: «RIA Novosti»
Rossiyaning Voronej shahrida koronavirus infeksiyasi aniqlangan O‘zbekiston fuqarosi vafot etdi, deb xabar beradi «RIA Novosti».
Ta’kidlanishicha, shaharda COVID-19 koronavirus infeksiyasi oqibatida vafot etganlar soni 4 kishiga yetgan.
«Voronejdagi 8-sonli tez tibbiy yordam kasalxonasida O‘zbekiston fuqarosi vafot etdi. Avvalroq unda koronavirus aniqlangan edi. 39 yoshli erkak Rossiyada yashash huquqiga ega bo‘lib, yaqinda Moskvadan Voronejga qaytib kelgan. 10 kun davomida uyida kasal bo‘lib yotgan, 8 aprelga qadar shifokorga murojaat qilmagan. Ikki kun davomida sun’iy nafas oldirish apparatiga ulangan holda yotgan», — deyiladi xabarda.
Ma’lumotlarga ko‘ra, Voronejda koronavirus aniqlangan 89 kishining 24 nafari davolanishga muvaffaq bo‘lgan.
O‘zbekistonda 17 aprel soat 10:00 holatiga ko‘ra, koronavirus infeksiyasini yuqtirib olganlar soni 1380 nafarni tashkil etmoqda. O‘zbekistonda koronavirusga chalinish bilan bog‘liq ilk holat 15 mart kuni tasdiqlangan bo‘lsa, o‘tgan vaqt davomida koronavirus yuqtirib olgani aniqlangan to‘rt bemor vafot etdi, 129 nafari esa sog‘ayib, reabilitatsiyaga olindi. Bundan tashqari, xorijda kamida 23 o‘zbekistonlik koronavirusga chalingan, ularning uch nafari vafot etgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Timur Kapadze Yaponiyaga qarshi kechgan finaldan so‘ng nimalar dedi?
Iroq qarshilik kuchlari Isroil poytaxtiga havo hujumi uyushtirdi
“Muhtasham yuz yil” seriali yulduzlarining umr yo‘ldoshlari (foto)
Prezident AQSH, Xitoy va Yevropaning yetakchi kompaniyalari rahbarlarini qabul qildi
Ekologiya inspektorlariga hujum qilgan brakonerlar qamoqqa olindi
Saul Alvares: "U o‘z jangchisiga tupurib qo‘ygan!"
Braziliyada suv toshqinlari: qurbonlar soni 75 kishiga yetdi
Toshkentda MDH ko‘ngillilari forumi boshlandi