Foto: RIA "Novosti"
Advokat Ivan Pavlovning so‘zlariga ko‘ra, FXX ekspertlari «Safronovning chop etgan ishlarida davlat sirlarini topmagan».
«Roskosmos» rahbari maslahatchisi va jurnalist Ivan Safronovga rasman davlatga xiyonat qilish ayblovi e’lon qilindi. Uning advokati Ivan Pavlovning xabar berishicha, Safronov bu ayblovni tan olmagan.
«Hozir ayblov e’lon qilindi. Hukmda Safronov chex maxsus xizmatidan moddiy rag‘batlantirish olgani haqida hech qanday ma’lumot yo‘q. Shuningdek, uning nimalar bergani, bu qachon bo‘lgani, aniq bir ma’lumotlar yo‘q», — deya uning so‘zlaridan iqtibos keltirmoqda «Interfaks».
Tergovning ta’kidlashicha, Safronov ma’lumotni berish uchun Vera Crypt shifrlash dasturidan foydalangan.
«Bu jurnalistlar ham, advokatlar ham, huquq himoyachilari ham foydalanadigan, bozorda keng tarqalgan mahsulot», — dedi Pavlov.
Bundan tashqari, Pavlovning so‘zlariga ko‘ra, FXX ekspertlari «Safronovning chop etgan ishlarida davlat sirlarini topmagan». Advokatning fikricha, ayblov tomoni shu yo‘l bilan Safronov ishi uning jurnalistik faoliyati bilan bog‘liq ekanligini inkor etishga urinmoqda.
Ivan Safronov 7 iyuldan buyon hibsda saqlanmoqda. U Chexiya razvedkasiga ma’lumot yetkazishda ayblanmoqda.
Safronovning himoyachisi u jurnalistik faoliyati uchun ta’qibga olinmoqda degan fikrda.
13 iyul kuni «Lefortovo» tergov izolyatori binosi yaqinida yakkalik piketlar bo‘lib o‘tdi. Norozilik bildirishga chiqqanlar qo‘lga olindi.
Manba: Kun.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Iordan daryosi G‘arbiy sohilida falastinlik talabalar nemis diplomatini tadbirdan quvib chiqardi
“Zenit” futbolchisi Fayzullayev haqida nimalar dedi?
Donald Tramp sudga hurmatsizlik qilgani uchun jarimaga tortildi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Andijonda kelin erining uyidan seplarini MIB orqali qaytarib oldi
Daniyada endi ayollar ham majburiy harbiy xizmatni o‘taydi