Afg‘oniston hukumati turmalardan “Tolibon” harakatining oxirgi 400 a’zosini ozodlikka chiqarish jarayonini boshladi. Bu haqda Afg‘oniston milliy xavfsizlik kengashi ma’lum qildi.
“Afg‘oniston hukumati kecha Loya Jirga [xalq vakillari umummilliy yig‘ini] yarashuv va Afg‘onistonaro muzokaralarga erishishni tezlashtirish uchun qo‘yib yuborishga qaror qilgan 400 tolibdan 80 nafarini ozod qildi”, deyilgan kengash xabarida.
10 avgustda Afg‘oniston prezidenti Ashraf G‘ani “Tolibon” ozod qilinishi talab etilgan toliblar ro‘yxatidagi oxirgi guruhni ozod qilish haqidagi farmonni imzolagan. Bundan bir kun avval Loya Jirga ushbu toliblarning turmalardan ozod qilinishi bo‘yicha qaror qabul qilgan. Bungacha Afg‘oniston hukumati bu ekstremistlarni turmalardan chiqarishdan bosh tortayotgandi. Chunki Kobul fikricha, ular nafaqat “Tolibon” tarafdorlari hisoblanadi, balki og‘ir jinoyatlar sodir etgan.
Avvalroq 1TV afg‘on telekanali Afg‘onistonaro tinchlik muzokaralari Qatar poytaxti Dohada 16 avgustda boshlanishini ma’lum qilgan. Toliblarning fevralda AQSH bilan imzolagan kelishuviga ko‘ra, muzokaralar mart oyida boshlanishi kerak edi, biroq “Tolibon” dastlabki shart sifatida barcha a’zolarining ozod qilinishini talab qilgan.
Manba: Kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
U23 Osiyo Kubogi yarim final bahsi. Yaponiya ikkinchi finalchiga aylandi!
Toshkent viloyatida ikki yigit taksi haydovchisining joniga qasd qilmoqchi bo‘ldi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Amerikalik xonanda Billi Aylish noodatiy fobiyasi haqida so‘zlab berdi
Yaponiya terma jamoasi bosh murabbiyi: "Parij Olimpiadasiga qit’a chempionlari maqomida borishni maqsad qilganmiz"
Eron Afg‘oniston bilan chegarasida beton devor qurishni boshladi