Foto: Tom Brenner - RC2YVF9GPFIW / Reuters
AQSHdagi prezident saylovlari natijalarini tan olishni istamayotgan amaldagi prezident Donald Tramp saylovchilar ovozlari uchun kurashda “katta oldinlash” borligini aytdi va bu boradagi yangiliklarni keyingi hafta ma’lum qilishga va’da berdi.
“Bizda katta oldinlash bor. Natijalar keyingi haftadan olina boshlanadi. Amerikani yana buyuk qilamiz”, deb yozgan Tramp Twitter’da.
Tramp yana bir xabarida “Biz g‘alaba qozonamiz”, deb qo‘shimcha qilgan.
AQSHda saylovlar natijalariga hali rasman yakun yasalmagan bo‘lsa-da, mamlakatning bir qator yetakchi OAVlari ularda Jo Bayden g‘alaba qozonganini e’lon qildi.
The Washington Post nashri ma’lumotlariga ko‘ra, AQSH Respublikachilar partiyasi rahbariyati ham saylovlar natijalarini qayta ko‘rib chiqish uchun Tramp shtabi olib borayotgan kurashga qo‘shildi. Avvalroq bu borada partiya ichida nifoq borligi ma’lum qilingandi. AQSH kongressi vakillar palatasida ko‘pchilik yetakchisi, respublikachi Mitch Makkonel va partiyaning qolgan vakillari Tramp saylov shtabini Baydenning g‘alabasi bo‘yicha yuridik bahslashuvda qo‘llab-quvvatlashlarini bildirishgan.
Politico nashri va Morning Consult firmasi o‘tkazgan so‘rovnomalarga ko‘ra, o‘zini AQSHda respublikachi saylovchi deb hisoblovchilarning 70 foizi Baydenning halol g‘alaba qozonganiga ishonmayapti va natijalar soxtalashtirilgan deb hisoblayapti. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Pentagon Ukraina yuzasidan kutilmagan muammoga duch keldi
Joze Mourino Yevro—2024 favoritlarini sanab o‘tdi
Hokimlik xodimi firibgarlik ortidan qo‘lga tushdi
AQSH Rossiyaga qarshi yangi sanksiyalar kiritdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Jasur Jaloliddinov: "Finalda kuchli jamoa yutqazdi"
Germaniyada Rheinmetall qurol kompaniyasi rahbarining dachasi yoqib yuborildi