Foto: «Edition.cnn.com»
Qayiqlari halokatga uchragan ikki erkak va bir ayol Bagama orollarida qolib ketishgan, deya xabar berdi «Daily Mail» nashri.
8 fevral kuni AQSH sohil xavfsizlik xizmati vertolyot ekipaji Kuba bilan Florida-Kis arxipelagi o‘rtasidagi Bagama arxipelagining bir qismi bo‘lgan Angilya-Ki orollar guruhi atrofidagi suvlarni ko‘zdan kechirashayotgan bo‘lgan. To‘satdan ofitserlar toshlardan yasalgan xoch va bayroqlarni silkitayotgan odamlarni payqab qolishdi. Ekipaj ularga ozgina oziq-ovqat, suv va radio uloqtirishdi.
9 fevral kuni jabrlanuvchilarni evakuatsiya qilish uchun qutqaruv operatsiyasi tashkil etildi. Uchalasi ham Kuba fuqarolari bo‘lib chiqdi. Ularning aytishicha, orolga taxminan besh hafta oldin kelib qolishgan. Dovul paytida kubaliklarning qayig‘i ag‘darilib ketgan. Ammo ular eng yaqin qirg‘oqqa suzib borib jonlarini saqlashga muvaffaq bo‘lishgan. «Robinzon Kruzo»lar 33 kun chuchuk suvsiz yashashga majbur bo‘lishgan. Ular tirik qolish uchun kokos, mollyuska va kalamushlar bilan oziqlanishgan.
Sohil xavfsizlik xizmati boshlig‘i Brendon Myurrey avvaliga jabrlanuvchilarni noqonuniy migrantlar yoki adashib qolgan baliqchilar deb o‘ylagan.
«Shu paytgacha orolda bir oydan ortiq qolib ketgan odamlarni qutqarganimizni eslay olmayman. Bu men uchun yangilik bo‘ldi», — deya tan oldi u.
Jabrlangan kubaliklar vertolyotda shifoxonaga olib ketilgan. Ular suvsizlik va charchoqdan aziyat chekishgan. Ammo sohil xavfsizlik xizmati xodimining so‘zlariga ko‘ra, ularning sog‘lig‘ida jiddiy muammolar kuzatilmagan.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Fon der Lyayen Putinning «ishonli odamlari» bilan hamkorlikni istisno etdi
NATO rahbari: “Ukrainaga bergan va’damizni bajarmadik”
Devid Kemeron Markaziy Osiyoga safarida hashamatli samolyot ijaraga olgani uchun tanqid qilindi
AQSHda Falastinni qo‘llab namoyishga chiqqani uchun hibsga olingan talabalar soni 900 nafardan oshdi
2024 yilga subsidiya miqdori belgilandi
U-23 Osiyo kubogi. Norchayev finalda gol ursa, to‘purar bo‘lishi mumkin