Mi-8MT vertolyoti Tojikiston va Afg‘oniston chegarasida (arxiv)
Foto: «TASS»
Tojikistonda 22 iyulga o‘tar kechasi harbiy shaylikni tekshirish bo‘yicha «Chegara—2021» mashg‘ulotlari boshlandi, deb yozadi «Kommersant’». Ularda mamlakat Qurolli Kuchlari va kuch tuzilmalarining barcha bo‘linmalari ishtirok etmoqda, 230 mingdan ortiq odam jalb qilingan. Mashg‘ulotlar Toshkent vaqti bilan soat 04:00 da prezident Emomali Rahmonning farmoyishi bilan boshlandi.
Respublika mudofaa vaziri Sherali Mirzo prezidentga ma’lum qilishicha, harbiy mashg‘ulotlarga Qurolli Kuchlar va kuch tuzilmalari shaxsiy tarkibidagi 100 ming kishi, shuningdek, zaxiradagi 130 ming zobit va askarlar jalb etilgan.
«Mashqlar chog‘ida belgilangan joylarga 1023 dona zirhli texnika, 3167 dona maxsus avtomobil texnikasi, 447 dona artilleriya qurilmasi, pushka va minomyotlar, 254 dona havo hujumiga qarshi mudofaa vositasi, 45 dona samolyot va jangovar vertolyot joylashtirildi», — deyiladi Mudofaa vazirligi xabarida.
30 iyul kuni Rossiya va O‘zbekiston Surxondaryo viloyatida o‘quv mashg‘ulotlarini boshlaydi. Ularda qariyb 1,5 ming harbiy qatnashishi kutilmoqda. 5 avgust kuni esa Tojikistonning Xatlon viloyatida Rossiya, O‘zbekiston va Tojikistonning qo‘shma mashg‘ulotlari boshlanadi.
Mashg‘ulotlar Afg‘onistondagi vaziyatning keskinlashuvi fonida o‘tkazilmoqda. Afg‘oniston hukumati kuchlari va «Tolibon» o‘rtasidagi to‘qnashuvlar AQSH o‘z qo‘shinlarini Afg‘onistondan olib chiqishni boshlagach kuchaydi.
Afg‘onistondan NATO qo‘shinlarini olib chiqish 29 aprelda boshlangan, AQSH va «Tolibon» o‘rtasida tuzilgan kelishuvga binoan jarayon kuzda yakunlanishi kerak. So‘nggi ma’lumotlarga ko‘ra, AQSH Afg‘onistondagi harbiy kontingentining 90 foizdan ko‘prog‘ini olib chiqib ketdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!