Global isish oqibatida Tinch okeanidagi ayrim orol davlatlar yo‘q bo‘lib ketishi mumkin. Bu haqda BMT iqlim o‘zgarishi bo‘yicha hukumatlararo ekspertlar guruhi olimlari Guardian nashriga bergan intervyusida aytishdi.
Ularning so‘zlariga ko‘ra, ushbu mintaqadagi mamlakatlar uzoq vaqtdan buyon dengiz toshqinlari, siklonlar, davomli qurg‘oqchilik va grunt suvlarining sho‘rlanishidan aziyat chekmoqda. Bundan tashqari, dunyo okeani sathining ko‘tarilishi sababli ko‘plab mamlakatlar suv ostida qolmoqda.
«Bu esa Kiribati, Vanuatu va Sulaymon orollarini yashash uchun yaroqsiz holga keltiradi», — dedi Greenpeace Australia Pacific tadqiqotlar bo‘limi boshlig‘i Nikola Kazule.
Avvalroq iqlim o‘zgarishi bo‘yicha hukumatlararo ekspertlar guruhi Yer ilgari hisob-kitob qilinganidan ko‘ra tezroq isib borayotganini ma’lum qilgandi.
Olimlarning hisobotida qayd etilishicha, dunyo bo‘yicha o‘rtacha harorat 1,1 darajaga ko‘tarilgan. Bu esa 2040 yilga borib o‘rtacha harorat 1,5 darajaga oshishini bildiradi.
U holda issiq to‘lqinlar, shamollar, qurg‘oqchilik, suv toshqinlari va yong‘inlar yanada ko‘proq sodir bo‘la boshlaydi, muzliklar erib qulaydi. Ma’lumot berilishicha, 1900 yildan buyon dunyo okeani sathi 20 santimetrga ko‘tarilgan. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida ekologiya inspektorlari hujumga uchradi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Gruziya Bosh vaziri AQSHga tashrif buyurishdan bosh tortdi
Har bir qizning orzusi: turk seriallaridagi eng chiroyli 4 ta to‘y
Shoygu Ukraina dronlariga qarshi qo‘llaniladigan yangi vositalar bilan tanishdi
Ukraina 300 mingta dron sotib olish uchun pul ajratadi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi