Foto: Getty Images
Afg‘onistonning «Tolibon»ga bo‘ysunmagan Panjsher viloyatidagi qarshilik kuchlari bilan to‘qnashuvlarda harakatning 300 dan ortiq jangarisi yo‘q qilindi. Bu haqda 1 sentabr kuni «TASS»ning viloyatdagi xalq lashkariga yaqin manbasi xabar berdi.
«Kecha kechqurun ‘Tolibon’ning ikki tomondan Panjsherga bostirib kirishga urinishlaridan keyin yuz bergan to‘qnashuvlarda ularning 300 dan ortiq jangarisi o‘ldirildi. Yana o‘nlab radikallar og‘ir tan jarohati oldi yoki asirga olindi», — dedi manba.
«Ayni paytda viloyatga kiraverishda harbiy harakatlar davom etmoqda. ‘Tolibon’ mudofaa chizig‘ini yorib o‘tolmadi, hozir ular chekinishga majbur», — deya qo‘shimcha qildi manba.
Harakat vakillari tomonidan Panjsher gubernatori etib tayinlangan «Tolibon» yetakchilik komissiyasi rahbari Amir Xon Mottakiyning 1 sentabr kuni ma’lum qilishicha, «Tolibon» va qarshilik vakillari o‘rtasida o‘tgan hafta boshlangan muzokaralar muvaffaqiyatsizlikka uchragan.
Panjsherdagi afg‘onlarga murojaat qilib yozilgan nutqida «Tolibon» yetakchisi isyonchilarni qurollarini tashlashga, ularning rahbari Ahmad Mas’udni esa taslim bo‘lishga chaqirdi.
«Afg‘oniston Islom Amirligi barcha afg‘onlarning uyidir», — dedi u.
Mottakiyning aytishicha, «Tolibon» Panjsher vodiysining to‘rt tomonida mashg‘ulot o‘tkazmoqda va urush qilishga hech qanday sabab yo‘q. Uning qo‘shimcha qilishicha, «Tolibon»ga qarshi kuchlar shuni esda tutishi kerakki, «Tolibon»ni NATO va AQSH kuchlari ko‘magida ham mag‘lub etishning iloji yo‘q.
«Lekin biz hali ham urush bo‘lmasligini hamda Panjsher masalasi tinch va osoyishta hal qilinishini ta’minlashga harakat qilyapmiz», — dedi Mottakiy. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
Peterburgda yong‘in vaqtida odamlarni qutqargan o‘zbekistonlikka surat sovg‘a qilindi
Sensatsiya! Afg‘oniston futzal bo‘yicha jahon chempionatiga chiqdi!
Telegram Ukraina «GUR»ning «razvedka boti»ni blokladi
Saidjamshid Ja’farov qozog‘istonlik raqibini mag‘lub etib, IBA Asia kamarini qo‘lga kiritdi
Indoneziya U-23 bosh murabbiyi: "O‘zbekistonning nega ko‘p gol urib, darvozasidan to‘p o‘tkazmasligini bilib oldim"
Umarali Rahmonaliyev: "Yarim finalga hech qachon kuchsiz jamoalar yo‘l olmaydi"
O‘z qo‘limiz bilan muammo yaratmaylik...