Foto: «Radiosputnik.ria.ru»
Barbados parlamenti respublikaga aylanishini va Britaniya toji hukmronligidan chiqib ketishini e’lon qildi. Barbados Parlamenti konstitutsiyaga o‘zgartirish kiritishni qo‘llab-quvvatladi. Unga ko‘ra Buyuk Britaniya qirolichasi Yelizaveta II bundan buyon Karib dengizi mamlakatiga boshchilik qilmaydi. Bu haqda EFE agentligi xabar bermoqda.
Deputatlar kiritilgan tuzatishlarni bir ovozdan qo‘llab-quvvatladilar. 30 noyabr — Buyuk Britaniyadan mustaqillikka erishgan 55 yilligi munosabati bilan Barbados monarxiyaga asoslangan boshqaruv shaklini respublika boshqaruv shakliga o‘zgartiradi.
Barbados bosh vaziri Mia Mottlining so‘zlariga ko‘ra, respublikaga o‘tish bo‘yicha muzokaralar 23 yil oldin boshlangan, shuning uchun bugungi qaror o‘ylab qilingan.
«Bu gap 1998 yil dekabrdan beri davom etmoqda», – deb tushuntirdi u.
Mottli tashabbusni oddiy, ammo «funksional qonun loyihasi» deb hisobladi, chunki Konstitutsiyaga o‘zgartirish faqat davlat maqomini o‘zgartirish va Yelizaveta II ga bo‘ysunishdan bosh tortishni nazarda tutadi, lekin qolgan holatlarda Asosiy qonun o‘zgarmasdan qoladi.
Kelgusida Barbadosda prezident saylovlari bo‘lib o‘tadi, deya qo‘shimcha qildi u.
Barbadosda 280 mingga yaqin odam yashaydi. Ushbu Karib dengizi davlati 1966 yilda Buyuk Britaniyadan mustaqillikka erishgan, lekin Britaniya monarxiyasi bilan rasmiy aloqasini saqlab qolgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rashida Tolib Kongress a’zolariga «achchiq haqiqat»ning suratini ko‘rsatdi
Turkiya Isroil prezidenti samolyotini havo hududiga kiritmadi
Eron AQSHdan 1 trln dollar kompensatsiya talab qildi
Dunyoning mashhur ayollari kunni qanday boshlaydi?
Shimoliy Koreya Rossiyaga uzoqqa zarba beruvchi qurollar yubordi
Tyumen oblastiga O‘zbekistondan mehnat migrantlari ishga jalb qilinadi
KXDR Rossiyaga 100 minggacha harbiy yuborishi mumkin
Ijtimoiy tarmoqlar davrida ruhiy salomatlikni qanday saqlash mumkin?
