Foto: Reuters
Suriyada «Al-Qoida» yetakchilaridan biri AQSH tomonidan berilgan aviazarba oqibatida halok bo‘ldi. Bu haqda AQSH Qurolli Kuchlari Makarziy qo‘mondonligiga tayanib, «RBK» xabar berdi.
«Suriya shimol-g‘arbiga amalga oshirilgan bugungi aviazarba natijasida ‘Al-Qoida’ning yuqori martabali yetakchisi Abdulla Hamid al-Matar yo‘q qilindi. Aviazarba oqibatida tinch aholiga shikast yetgani to‘g‘risida ma’lumotlarimiz yo‘q», — deydi qo‘mondonlik matbuot kotibi mayor Jon Rigsbi.
Ma’lum qilinishicha, aviazarba MQ-9 uchuvchisiz boshqariladigan uchish qurilmasi yordamida amalga oshirilgan.
Qo‘mondonlikning qayd etishicha, yuroqi martabali jangarining o‘ldirilishi «terrorchilik tashkilotining keyingi rejalari va global hujumlarni amalga oshirish qobiliyatiga putur yetkazadi».
Bundan avval AQSH razvedkasi «Al-Qoida» hozirgi vaziyatda Afg‘onistondan tashqarida hujumlar uyushtirishga qodir emasligini aytgandi. «Razvedka hamjamiyatining joriy bahosiga ko‘ra, ‘Al-Qoida’ning imkoniyatlari ancha oldin shu qadar tanazzulga uchraganidan hozir u chet elda hujumlar uyushtira olmaydi», — dedi AQSH Davlat kotibi Entoni Blinken.
Aprel oxirida «Al-Qoida» AQSHga qarshi «har tomondan hujum qilish» bilan keng ko‘lamli urush boshlashni va’da qilgandi. Terrorchilik tashkiloti vakillari ushbu urushning «AQSH butun islom dunyosidan chiqarib yuborilgunga qadar» davom etishini qayd etgan. Sentabr o‘rtalarida esa AQSH razvedkasi «Al-Qoida» 1-2 yil ichida hujumga o‘tishi mumkinligi haqida ogohlantirish bilan chiqdi.
Eslatib o‘tamiz, 2020 yilning fevralida AQSH Yamanda «Al-Qoida» terrorchilik tashkilotining Arabiston yarimorolidagi yetakchisi Qosim ar-Rimiy o‘ldirilganini ma’lum qilgandi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyaning harbiy operatsiyadagi manyovri Ukrainani hayratga soldi
Erdo‘g‘on terrorchilar haqida keskin gapirdi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
AQSH rasmiylari: Millionlab amerikaliklar xitoylik hakerlar hujumiga uchragan
AQSH elchisi: “Rossiya Ukraina poytaxtiga gipertovushli raketalar bilan zarba berdi”
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiya qo‘shinlari Avdeyevkadagi ikkita qishloqni egallab oldi
Rossiya Ukrainaning harbiy dron yig‘uv inshootlarini yo‘q qildi