Foto: AP
«Tolibon» vakillari 15 avgust kuni Kobulga Afg‘onistonning sobiq prezidenti Hamid Karzayning taklifi bilan kirgan. Bu haqda Karzayning o‘zi «Assoshieyted Press» agentligiga bergan intervyusida aytdi.
Intervyuda aytilishicha, mamlakat prezidenti Ashraf G‘ani Kobulni tark etgani ma’lum bo‘lgach, Karzay «xalqni himoya qilish uchun» toliblardan poytaxtga kirishlarini so‘ragan.
«O‘shanda poytaxtda hech kim qolmagandi: na rasmiy hukumat, na politsiya boshlig‘i, na harbiy qismlar qo‘mondonlari. Men toliblardan shaharga kirishlarini va aholini himoya qilishlarini, mamlakat va shaharni boshboshdoqlikdan, mamlakatni talashi mumkin bo‘lgan guruhlardan saqlashlarini so‘radim», — dedi u.
«Tolibon» harakati 15 avgustdan 16 avgustga o‘tar kechasi Kobulni jangsiz o‘z nazoratiga olgandi.
Karzay 2001 yil dekabrdan 2014 yilgacha Afg‘onistonni boshqargan. U hozirda Kobulda yashaydi.
Ashraf G‘ani esa oilasi bilan Birlashgan Arab Amirliklarida yashayotgani xabar qilingan. U hozirga qadar rasman iste’fo bermadi. Shu bilan birga, Afg‘onistonning sobiq birinchi vitse-prezidenti Amrulla Solih o‘zini prezident vazifasini bajaruvchi deb e’lon qilgan. U ham mamlakat tashqarisidan panoh topgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Har qanday katta yoshdagi kishi yetuk emas
AQSH Isroilning ikki vaziriga sanksiya qo‘llamoqchi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Apple dongdor ikki ayfonini rasman eskirgan deb e’lon qildi
Borrel YEIning Isroil bilan muloqotini to‘xtatishni taklif qildi
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Yaxshi pishgan va mazali anor tanlashga yordam beradigan tavsiyalar
