Saudiya Arabistoni Xitoyning yordami bilan ballistik raketalarni ishlab chiqarmoqda

^{Foto: Global Look Press}
AQSH razvedka xizmati xodimlarining fikricha, Saudiya Arabistoni Xitoy yordamida o‘z ballistik raketalarini ishlab chiqarish bilan faol shug‘ullanmoqda. Bu haqda CNN o‘z manbalariga tayanib xabar berdi.

Manbalarga ko‘ra, Saudiya Arabistoni ilgari bunday raketalarni ishlab chiqarish bilan shug‘ullanmagan, ularni Xitoydan sotib olgan.

CNN o‘z xabarida sun’iy yo‘ldosh tasvirlariga ham tayangan. Telekanal qayd etishicha, tasvirlar qirollik hududida ballistik raketalarni ishlab chiqarish bo‘yicha kamida bitta korxona mavjudligini tasdiqlaydi.

Telekanal dasturida o‘z fikrini bildirgan yadro siyosati va qurollari bo‘yicha bir qator ekspertlarning so‘zlariga ko‘ra, voqealarning bunday rivojlanishi Eronni o‘zining yadroviy dasturini faollashtirishga va qurolsizlanish g‘oyasidan voz kechishga undashi mumkin. “Zamin” yangiliklarini “Vkontakti”da kuzatib boring