Amerika Qo‘shma Shtatlari Afg‘onistondagi “ISHID-Xuroson” (ISHIDning Afg‘onistondagi tarmog‘i) guruhiga qarshi kurashda “Tolibon” harakati bilan hamkorlik qilishga tayyor. Bu haqda AQSH Markaziy qo‘mondonligi shtabi boshlig‘i, general-leytenant Maykl Kurilla ma’lum qildi, deya xabar bermoqda «Assoshieyted Press».
“Mening shaxsiy fikrim shuki, vatanga tahdidni hisobga olgan holda “ISHID-Xuroson”ni ta’qib qilishda birlashishimiz mumkin bo‘lgan pragmatik misollar bor”, – dedi Kurilla.
U Afg‘onistondagi terrorchilar AQSHda hujumlar uyushtirish rejalarini ishlab chiqayotgani, ammo hozirda bunday operatsiyalarni amalga oshirish imkoniyati yo‘qligi haqida aytib o‘tdi. Kurillaga ko‘ra, “ISHID-Xuroson” Afg‘onistonda o‘z kuchlarini qayta to‘plamoqda.
Eslatib o‘tamiz, “ISHID-Xuroson” 2015 yilda paydo bo‘lganidan beri “Tolibon”ga qarshi kurashib keladi. O‘tgan yilning avgust oyida xorijiy qo‘shinlar olib chiqib ketilganidan keyin guruh Afg‘onistonning turli viloyatlarida teraktlar uyushtirib, yana toliblarga hujum qila boshladi. BMTning o‘tgan yil noyabr oyidagi ma’lumotiga ko‘ra, terrorchi guruh Afg‘onistonning deyarli barcha hududlarida mavjud.
7 fevral kuni AQSH “ISHID-Xuroson” yetakchisi Sanaulloh G‘ofariyni yo‘q qilish yoki qo‘lga olishda yordam beradigan ma’lumot uchun 10 million dollar mukofot e’lon qildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Srechko Katanes: "Qanday qilib so‘nggi daqiqada oddiy gol o‘tkazdik, buni bilmayman"
