Foto: Reuters
AQSH prezidenti Jo Bayden Donetsk hamda Lugansk xalq respublikalariga nisbatan sanksiyalarni qo‘llash to‘g‘risidagi farmonni imzoladi. Bu haqda Oq uy saytida e’lon qilindi. 21 fevral kuni Rossiya prezidenti Vladimir Putin DXR va LXRning mustaqilligini tan olgandi.
Hujjat bilan AQSH fuqarolariga DXR va LXR iqtisodiyotiga har qanday investitsiyalarni kiritish, Qo‘shma Shtatlarga to‘g‘ridan-to‘g‘ri yoki bilvosita respublikalardan har qanday tovarlar va texnologiyalarni olib kirish, AQSHdan DXR va LXRga har qanday tovarlarni eksport qilishni taqiqlandi.
Farmonda ta’kidlanishicha, Moskva tomonidan respublikalarning tan olinishi «Rossiyaning Minsk kelishuvlarida belgilangan majburiyatlariga» mos kelmaydi, shuningdek, Ukraina suvereniteti, barqarorligi va tinchligiga tahdid uyg‘otadi. Shu bilan birga, u «AQSH milliy xavfsizligi va tashqi siyosatiga noodatiy hamda favqulodda tahdidni ifodalaydi», deyiladi hujjatda.
Oq uy oldinroq mazkur farmon tayyorlanayotganini e’lon qilgandi. Bayonotda, shuningdek, Vashington «Rossiya o‘zining xalqaro majburiyatlarini buzgani sababli qo‘shimcha choralar»ni e’lon qilmoqchiligi aytilgan edi. «Aniqlik uchun: ushbu chora-tadbirlar alohida bo‘lib, Rossiya Ukrainaga bostirib kirgan taqdirda ittifoqdoshlarimiz va hamkorlarimiz bilan birgalikda tayyorlayotgan jadal va qattiq iqtisodiy choralarni to‘ldiradi», deyiladi bayonotda.
AQSH davlat kotibi Entoni Blinkenning so‘zlariga ko‘ra, DXR va LXRga investitsiyalar kiritilishini taqiqlash Rossiyaga respublikalarni tan olishdan foyda ko‘rishiga xalaqit berishdan iborat. Sanksiyalar Ukraina yoki uning xalqiga qaratilmagan.
Blinken, shuningdek, AQSH Moskvaning qarorini keskin qoralashini qayd etib, bu kabi qadam Rossiyaning Minsk kelishuvlaridagi majburiyatlaridan «to‘liq voz kechganini» anglatadi deb hisoblaydi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Yaponlar qishda uylarini qanday isitadilar?
AQSH va Rossiya Isroil hamda “Hizbulloh” o‘rtasidagi kelishuvda vositachi bo‘ladi
Andijonda Tez tibbiy yordam markazi direktor o‘rinbosari o‘z ishiga tiklandi
Tramp AQSH bosh prokurori lavozimiga kongressmen Gets nomzodini ilgari surdi
