Rossiyaning sanktsiyaga uchragan banklari Visa va Mastercard kartalarini chiqara olmaydi

Gʻarbning sanktsiyalari ostida qolgan Rossiya banklari yangi Visa va Mastercard kartalarini chiqara olmaydi. Bu haqda Rossiya Milliy toʻlov kartalari tizimi (NSPK) matbuot xizmatiga tayanib «RIA Novosti» xabar bermoqda.

Ukrainadagi ziddiyat boshlanganidan soʻng AQSh va boshqa davlatlar Rossiyaning «VTB», «Promsvyazbank», «Sovkombank», «Otkritie» banki, «Rossiya» banki va «Novikombank»ga qarshi sanktsiyalarni joriy qilgan edi. Ushbu banklarning xalqaro kartalari endi chet elda ish faoliyatini toʻxtatadi. Lekin Rossiyada bu davrgacha chiqarilgan kartalar ishlashda davom etadi.

- Ushbu banklar mijozlar foydalanadigan kartalarning amal qilish muddati tugaganidan keyin yangi Visa va Mastercard kartalarini chiqara olmaydi. Rossiya banklari tomonidan chiqarilgan Visa va Mastercard xalqaro toʻlov tizimlarining kartalari bilan mamlakatimiz ichidagi barcha tranzaktsiyalar ishlashda davom etadi. Bunday tranzaktsiyalar odatdagidek Milliy tizim toʻlov kartalari orqali amalga oshiriladi, — deb tushuntiradi NSPK matbuot xizmati.

Bundan tashqari, «Mir» toʻlov tizimining kartalari boʻyicha barcha operatsiyalar bank mijozlari uchun toʻliq hajmda amalga oshirilishi aytilmoqda. “Zamin” yangiliklarini “Telegram”da kuzatib boring