5 mart kuni Ukraina prezidenti Vladimir Zelenskiy SpaceX rahbari Ilon Mask bilan onlayn muloqot qildi. Bu haqda Ukraina etakchisi oʻzining Twitter’dagi sahifasida yozgan.
«Men Ilon Mask bilan gaplashdim. Ukrainani soʻzi va amali bilan qoʻllab-quvvatlayotgani uchun undan minnatdorman. Kelgusi hafta biz vayron qilingan shaharlar uchun Starlink tizimlarining navbatdagi partiyasini qabul qilib olamiz. Boshqa ehtimoliy kosmik loyihalar haqida ham gaplashdik, ammo bu haqda urushdan keyin aytib beraman», — dedi Zelenskiy.
Oʻsha kuni Zelenskiy AQSh prezidenti Jo Bayden bilan ham suhbatlashgan. Zelenskiyning aytishicha, suhbat chogʻida Oq uy rahbari bilan xavfsizlik, Ukrainani moliyaviy qoʻllab-quvvatlash va Rossiyaga qarshi sanktsiyalarni davom ettirish masalalari muhokama qilingan.
Rossiyaning Ukrainaga bosqini boshlangach, 27 fevral kuni Ilon Mask Ukrainani Starlink sun'iy yoʻldosh interneti bilan ta'minlay boshlagan edi. Ukraina servisga ulangan 29-davlat boʻldi.
Zelenskiy1 Ilon Mask1 Ukrainani qo‘llab-quvvatlayotgani1 Minnatdorlik bildirdi1 Rossiya va Ukraina urushi
“Zamin” yangiliklarini “Telegram”da kuzatib boring 
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
