Ukrainadagi urushda toʻrtinchi rossiyalik general halok boʻlgani ma'lum qilindi

^{Foto: Maxar Technologies / EPA / Scanpix / LETA}
Ukrainadagi harbiy harakatlar hududida 15 mart kuni yana bir rossiyalik general halok boʻlgan. Bu haqda Ukraina prezidenti Vladimir Zelenskiy navbatdagi videomurojaatida xabar qildi, u halok boʻlgan harbiyning nomini keltirmagan.

15 mart kuni Ukrainadagi ijtimoiy tarmoqlarda general-mayor pogonidagi harbiy jasadi suratlari tarqaldi.

Shu kuni kechqurun Ukrainadagi manbalar bu — general-mayor Oleg Mityaev boʻlganini xabar qilishdi. RF mudofaa vazirligi ham, Ukrainadagi rasmiy manbalar ham bu ma'lumotni tasdiqlashmagan.

Ukraina milliy xavfsizlik va mudofaa kengashi huzuridagi Dezinformatsiyaga qarshi kurash va axborot xavfsizligi markazining Rossiya qurolli kuchlari qoʻmondonlik shtabining yoʻqotishlari haqidagi hisobotida Mityaev nomi tilga olinmagan - roʻyxatda toʻrt general, uch polkovnik va uch podpolkovnik nomlari keltirilgan. Jumladan roʻyxatda general-mayor Magomed Tushaevni koʻrish mumkin. Checheniston hukumati Tushaevning halok boʻlganini rad etgan. «Chechnya Segodnya» nashri 13 mart kuni Tushaevning videomurojaatini e'lon qilgan.

Oleg Mityaev 2016 yilda Tojikistonda joylashgan 201-harbiy baza qoʻmondoni etib tayinlangan, keyin RF qurolli kuchlarining Suriyadagi guruhi qoʻmondoni oʻrinbosari boʻlgan.

Avvalroq Ukrainada Sharqiy harbiy okrugning 29-qoʻshma qurolli kuchlari qoʻmondoni general-mayor Andrey Kolesnikov hamda Markaziy harbiy okrugning 41-qoʻshma qurolli kuchlarining ikki general-mayori — Andrey Suxovetskiy va Vitaliy Gerasimov halok boʻlgani xabar qilingandi.

Dushman tomonlarning urushdagi yoʻqotishlari ikki tomon talqinida

Rossiya mudofaa vazirligi:
Samolyotlar — 111;
Vertolyotlar — 68;
Dronlar — 160;
Tanklar va boshqa zirhli mashinalar — 1353;
Baravar oʻt ochish tizimlari — 129;
Dala artilleriyasi va minomyotlar — 493;
Zenit raketa komplekslari — 159.

Ukraina Bosh shtabi:
Samolyotlar — 84;
Vertolyotlar — 108;
Tanklar — 430;
Zirhli mashinalar — 1375;
Baravar oʻt ochish tizimlari — 70;
Artilleriya tizimlari — 190;
Havo hujumidan mudofaa tizimlari — 43;
Shaxsiy tarkibdagi yoʻqotishlar — 13 800 kishi atrofida. “Zamin” yangiliklarini “Telegram”da kuzatib boring