Uyqu, immunitet va gormon: ekspertlar tavsiyalari

Ekspertlar uyquga qanday tayyorgarlik ko‘rish kerakligi haqida o‘z tavsiyalari bilan o‘rtoqlashdi. Bu haqda Today nashri xabar qildi.
Janubiy Karolina universiteti tibbiyot fakulteti professori Richard Bogan ta’kidlashicha, uyqu vazn yo‘qotish uchun yordam berishi mumkin.

"Uyqu gormon va immunitet tizimining normal ishlashi uchun zarur. Uyqusizlik yoki shunchaki uyqusiz miya bu - och miya", - deb tushuntirdi u. Bu ortiqcha vazn to‘planishiga olib keladi. Shuning uchun Bogan muntazam uyqu jadvalini tuzishni taklif qildi. Unga ko‘ra, katta yoshli insonlarga uxlash uchun o‘rtacha 7,5 soatdan 9 soatgacha vaqt kerak.

Parhezshunos Sharlotta Xarrisonning so‘zlariga ko‘ra, ovqatlanish jadvaliga ham rioya qilish kerak, tana 24 soatlik jadval ritmda ishlaydi.

"Bu tananing ichki soati ... Ovqatlanish vaqti bizning ritmga katta ta’sir qiladi, shuning uchun rejalashtirish juda muhim. Agar organizm soat 18 dan 20 gacha ovqatlanishga odatlangan bo‘lsa, u “ochlik gormonlari”ni chiqarib, ovqatga qachon tayyorlanish kerakligini biladi. Keyinchalik uxlashga yordam berish uchun melatoninni chiqaradi", - deya tushuntiradi shifokor.

Bunday ritmga rioya qilinsa, tanani iloji boricha tayyorlash, uyqu va ovqatlanishdan maksimal darajada foyda olish mumkin.

Bundan tashqari, parhezshunos og‘ir kechki ovqatdan voz kechishni maslahat berdi - ovqatni hazm qilish tunda uxlashga xalaqit beradi. Biroq, och qoringa uxlash ham kerak emas.

Professor Bogan, shuningdek, spirtli ichimliklarni iste’mol qilishni cheklashni tavsiya qildi. Hatto bitta ichimlik ham organizmning kaloriyalarni yo‘qotish qobiliyatiga xalaqit berishi mumkin. Bundan tashqari, u xonani 18 darajagacha sovitishni va yotishdan oldin gadjetlardan foydalanmaslikni maslahat berdi. “Zamin” yangiliklarini “Instagram”da kuzatib boring