21:05 / 20.07.2023

Kimlar har kuni tarvuz iste’mol qila olmaydi?

Tarvuzda juda ko‘p foydali vitaminlar mavjud — tiamin, riboflavin, karotin, temir va boshqalar. Shuningdek, sersuv bu poliz ekini tarkibida mushaklar va asab tizimining faoliyatini yaxshilaydigan magniy uchraydi. Eng asosiysi, tarvuzdagi B9 vitamini organizmning normal rivojlanishini ta’minlaydi va tarvuz ajoyib diuretik hisoblanadi.

“Tarvuz organizmni shlak va turli zaharli moddalardan yaxshi tozalaydi, ularni organizmdan chiqarib yuborilishini rag‘batlantiradi”, — deydi diyetolog Sergey Lubines.

Ushbu mevada kaloriya past bo‘lgani bois har qanday diyetaga kiritish mumkin.

Lekin muntazam ravishda har kuni tarvuz iste’mol qila olmaysiz!

“Tozalash effektining yana bir tomoni bor — minerallar suv bilan yuviladi. Agar ovqatlanish muvozanatsiz tashkil etilsa, ya’ni organizm kerakli moddalarni qabul qila olmasa, bu salbiy oqibatlarga olib kelishi ehtimoli yuqori”, — ta’kidlaydi mutaxassis.

Yodingizda bo‘lsin: tarvuzning kundalik iste’moli kattalar uchun o‘rtacha 500 gramm miqdordan oshmasligi kerak.

Bundan tashqari, homilador ayollar (ayniqsa, homiladorlikning so‘nggi bosqichlarda) va oshqozon-ichak trakti bilan bog‘liq muammolarga duch kelganlar tomonidan iste’mol qilinmasligi tavsiya etiladi, chunki tarvuz gaz hosil bo‘lishini oshiradi.

Tarvuzni qonda kaliy miqdori yuqori bo‘lgan odamlar iste'mol qilishlari cheklangan, chunki bu bilan yurak-qon tomir tizimi bilan bog‘liq muammolar yuzaga chiqishi ehtimoli mavjud. Shuningdek, buyrak patologiyalaridan aziyat chekadiganlar va prostata muammosi bo‘lgan erkaklarning tarvuzdan tanovul qilishi nazoratda bo‘lishi zarur.